Trepça ia rrëmbeu pozitën e dytë Bashkimit

Trepça ka shënuar fitore në derbin e javës ndaj Bashkimit, që u zhvillua në palestrën “Minatori” në Mitrovicë, në praninë e rreth 3.000 shikuesve, me rezultat 73:63. Loja në përgjithësi ishte e baraspeshuar dhe mjaft interesante, por në çerekun e fundit mitrovicasit shfaqën dëshirë më të madhe për fitore, por edhe përqendrim më të mirë. Te Trepça me lojë të mirë u dalluan Asllani, me 19 pikë dhe Hanxhiq, me 18 pikë, derisa te Bashkimi më efikasi ishte Bolds, me 24 pikë, derisa Ahmedbashiq realizoi 17 pikë. Trajneri i Trepçës, Pançe Milevski pas ndeshjes u shpreh: “Fitoren e vendosi përqendrimi dhe dëshira jonë më e madhe, edhe pse kishim ngarkesë tejet të madhe dhe kjo u pa qartë në lojën tonë. U futëm shumë herët në zonën e gabimeve personale dhe kjo ndikoi që më pas të dështojmë diku në 10 aksione, gjë e cila sikur e vonojë përcaktimin e fituesit”. Në anën tjetër edhe trajneri i Bashkimit, Bonan Mitev theksoi se dëshira për fitore ishte më e madhe te Trepça. “Ne nuk zbatuam detyrat që ishim marrë vesh para lojës. Në periudhën e fundit basketbollistët e mi luajtën shumë të relaksuar, edhe pse ua tërhoqa vërejtjen se fituesi do të përcaktohet në minutat e fundit. Thjeshtë, Trepça kishte dëshirë më të madhe për fitore”, ka thënë Mitev. Me këtë fitore Trepça rrëmbeu pozitën e dytë në renditje dhe sipas të gjitha gjasave garat e ‘play-off’-it do t’i nis nga kjo pozitë

tash edhe te paren prishtines

le qi e mer te dytin ven po edhe te parin e ne fund kampion

shpresoj qe po fitojna kunder prishtines
me ket loj qe po lujna mir shum osht tu shku